Dermo OXY кислородниот третман e комплексен третман со кој во длабинските слоеви на кожата се внесува висока концентрација на чист кислород заедно со други активни супстанции како хијалуронска киселина, витамини, пептиди, антиоксиданси и есенцијални нутритиенти. Целта на третманот е да ја хидрира, исхрани и ревитализира кожата и во потполност да ја подобри состојбата на кожата.
Резултатите од третманот се моментално видливи. Кожата после третманот е освежена, хидрирана и нахранета, сјајна, одморена и подмладена, брчките се поплитки, а тенот е изедначен.
Dermo OXY кислородниот третман е апсолутен светски хит, а сега е достапен и кај нас во Скинфинити. Во продолжение ви наведуваме 10 причини поради кои овој третман е толку посакуван.
- Стимулира колаген продукција (anti-ageing ефект)
Колагенот е протеин кој што е одговорен за цврстината и еластичноста на кожата. Со текот на годините колагенот постепено се намалува и започнува процесот на стареење на кожата и појава на првите фини линии и брчки на лицето.
Една од најголемите придобивки од кислородниот третман е засилување на продукцијата на колаген и измазнување на фините линии и брчките на лицето.
2. Детоксикација на кожата
Со Dermo OXY третманот во кожата се внесува голема количина на кислород, неопходни витамини и нутритиенти на кожата. Се засилува процесот на детоксикација на кожата и за забрзува регенерацијата на клетките на кожата. На овој начин се елиминираат штетните ефекти од аерозагадувањето, сончевото зрачење и несоодветната исхрана на кожата.
3. Забрзување на клеточниот “turnover”
Клетките на кожата имаат лимитиран животен век. Во текот на еден месечен циклус клетките умираат, а на нивно место се создаваат нови здрави клетки. Кислородот е клучен за клеточната регенерација. Тој го забрзува процесот на замена на изумрените клетки со нови клетки, а со тоа и замена на оштетената кожа со нова здрава кожа. Ова е особено важно во процесот на лекување на акни, лузни од акни и пигментации, стрии и друг тип на оштетување на кожата.
4. Хидратација на кожата
Постојаната изложеност на сонце, прашина и аерозагадување значајно ја извлекува влажноста од кожата и кожата станува екстремно сува и безживотна. Доколку имате сува кожа, овие фактори можат дополнително да ја влошат нејзината состојба, Кислородниот третман длабински ја хидрира кожата, го одржува pH балансот и ја штити кожата од штетните сончеви зраци.
5. Здрав сјај на кожата
Со овој третман се острануваат сите нерегуларности на кожата поради нежниот пилинг ефект на третманот и отстранување на површинскиот слој од мртви епидермални клетки и отворање на затворените пори, со што кожата добива свежина и здрав сјај.
6. Третман на акни
Акните се формираат кога порите на кожата се затвораат со површинскиот слој од изумрени епидермални клетки и во нив се заробува нечистотија од површината на кожата и себум со што порите постојано се шират, а крајниот резултат се акни на површината на кожата. Кислородниот третман овозможува чистење на порите и не дозволува акумулирање на прашина и нечистотија, со што се спречува појавата на досадните “црнки” и акни.
7. Третман на хиперпигментации и изедначување на тенот
Со самиот третман длабински во кожата се внесуваат серуми и мезококтели богати со хијалуронска киселина, витамини, пептиди и антиоксиданси кои што ги третираат пигментните промени на кожата и го изедначуваат тенот и и даваат убав кадифен изглед на кожата.
8. Моментално видливи резултати
Ефектите од кислородниот третман се забележуваат веднаш после третманот. Кожата после Dermo OXY третманот е освежена, хидрирана, сјајна, одморена и подмладена, брчките се поплитки, а тенот е изедначен.
9. Третман без болка и несакани ефекти
Dermo OXY кислородниот третман е исклучително нежен безболен третман и не предизвикува несакани ефекти како иритација, црвенило и оток. Соодветен е за оние со сензитивна кожа, како и за оние кои што сакаат да избегнат поинвазивни третмани за нега на кожата
10. Без период на опоравување
Вообичаено, при изведување на други процедури за нега на кожата, потребно е да се почека одреден период пред да се вратите на регуларната рутина за нега на кожата. После кислородниот третман може веднаш да продолжите со својата вообичаена нега.