Вовед во мезотерапија ( Mesotherapy )

Мезотерапија (Mesotherapy) е медицинска процедура со која се внесуваат мезококтели со активни состојки во длабинските делови на кожата. На овој начин кожата се исхранува, длабински се хидрира и се стимулира синтезата на колаген и еластин, со цел да се зачува нејзината цврстина и еластичност. Во естетската медицина се користи за подмладување на кожата и забавување на процесот на стареење, како и за решавање на голем број дерматолошки состојби.

Што содржат мезотераписките коктели и дали третманот е безбеден?

Мезотераписките коктели во својот состав имаат многу важни активни состојки кои се внесуваат длабински во средниот слој на кожата наречен мезодерм. Богати се со хијалуронска киселина, аминокиселини, пептиди, колаген, витамини, минерали, органски силициум итн. Која ќе биде содржината на мезококтелот, зависи од потребите на индивидуата за овој третман.

Третманот е безбеден. Состојките содржани во мезококтелите и нормално се наоѓаат во кожата, но со текот на годините и под дејство на голем број надворешни влијанија како што се атмосферските услови, сонце и ветер, аерозагадување, лоши животни навики, исхрана и секојдневен стрес, нивната синтеза во организмот се намалува, што значајно се одразува на квалитетот на кожата и забрзување на процесот на нејзино стареење.

За што се користи мезотерапијата ( MESOTHERAPY / MEZOTERAPIJA )?

Во естетската медицина Мезотерапија (Mesotherapy) се користи за:

• Подмладување на кожата и отстранување на знаците на стареење
• Подобрување на квалитетот на кожата
• Освежување на регијата околу очите и отстранување на подочници
• Третман на пигментации
• Намалување на порите на лицето и регулирање на себумот
• Антицелулитен ефект
• Отстранување на стрии и лузни
• Третман за опаѓање на косата
• Лекување на бројни дерматолошки состојби

Зошто е добро да го направам овој третман порано?

Колагенот и еластинот се структурни протеини на кожата од кои зависат нејзината цврстина и еластичност. Се наоѓаат во средишниот дел на кожата, наречен мезодерм. После 25 година од животот, нивната синтеза од фибробластите забрзано почнува да опаѓа. Сочувувањето на количината и цврстината на колагенот во кожата е прв чекор во нејзината долготрајна нега. Површинските козметички препарати не можат да продрат до мезодермот, па затоа и не можат да делуваат на колагенот. Мезотерапијата е ефикасен начин со кој активните материи се внесуваат во целниот дел на кожата и директно го стимулираат зацврстувањето на постоечкиот и синтеза на нов колаген. Раниот почеток со овој третман значително го подобрува квалитетот и тонусот на кожата и значајно го превенира нејзиното стареење.

Како изгледа овој третман?

Овој третман се изведува после претходна консултација и преглед од нашите доктори. Третманот се состои од микроинјектирање на мезококтели со многу мали и тенки игли во соодветниот дел на кожата. Во зависност од индикацијата за третманот, користиме различни мезококтели според строго дефинирани протоколи. Може да се примени на лице, врат, деколте, раце и други делови од телото.

Други начини за нанесување на мезотераписки коктели во кожата се со помош на дермаролер, дермапен, како и неинвазивно со мезопорација (безиглена постапка). Кај нас можете да ги добиете сите овие третмани.