Ултразвучен лифтинг

Ултразвучен лифтинг е неинвазивна процедура со која што се зацврстува и затегнува кожата на лицето, вратот и деколтето. Причините поради кои овој третман е еден од најбараните се многубројни. Се користи за измазнување на фините линии и брчките на лицето, затегнување на опуштената кожа, третман на надуеноста под очите и темните подочници, изедначување на тенот и здрав сјај на кожата, намалување на порите на лицето и подобрување на состојбата на акните, како и за третман на целулитот и локализираните масни наслаги кога се користи на телото. Третманот е безбеден, безболен и нежен и соодветен за секој тип кожа.

КАКО ИЗГЛЕДА ТРЕТМАНОТ?

Ултразвучен лифтинг на лице е современа апаратна процедура. Со нежна сонда која што емитира ултразвучни бранови во кожата и поткожното ткиво се предизвикува контролирано загревање на ткивото. На овој начин се стимулираат регенеративните процеси на создавање на нов колаген и еластин во кожата со што кожата се зацврстува и лифтира. Истовремено се подобрува локалната циркулацијата и лимфната дренажа што овозможува подобра апсорпција на активните состојки од серумите и маските што се користат при третманот, а со тоа се постигнува интензивна хидратација и исхранување на кожата.  

ЗА ШТО СЕ КОРИСТИ УЛТРАЗВУЧЕН ЛИФТИНГ?

Придобивките од третманот се многубројни. Се користи за:

• Затегнување на опуштената кожа на лицето
• Лифтинг на кожата на лицето, вратот и деколтето
• Подмладување на лицето, измазнување на фините линии и брчките
• Третман на очна регија (надуеност под очите и темни подочници)
• Намалување на порите на кожата
• Подобрување на текстурата на кожата
• Подобрување на пигментни промени и изедначување на тенот
• Подобрување на состојбата на акните, црвенилото и лузните
• Третман на целулит и локализирани масни наслаги (тело)

Резултати од третманот се видливи уште после првиот третман, но со континуирана употреба на овој третман се овозможуваат кумулативни и долготрајни резултати.

ДАЛИ ТРЕТМАНОТ Е БОЛЕН?

Оваа процедура е релаксирачка, нежна и многу пријатна. Третманот е апсолутно безболен, а клиентот не чувствува никакво пецкање или други непријатности.

КОИ СЕ МОЖНИ НЕСАКАНИ ЕФЕКТИ И КОГА МОЖАМ ДА СЕ ВРАТАМ НА РАБОТА?

Не постојат несакани ефекти од овој третман. По завршување на третманот нема никави иритации и црвенило, а кожата е освежена и сјајна. Веднаш после третманот може да се вратите на вообичаените дневни активности.

КОЛКУ ТРЕТМАНИ МИ СЕ ПОТРЕБНИ?

Видливи резултати се забележуваат  веднаш после првиот третман. За постигнување на посакуваниот ефект, потребно е да се направат  3 до 5 третмани на растојание од 7 до 10 дена, во зависност од почетната состојбата на кожата и возраста на индивидуата.