Што е липолиза?

Липолизата (Lipolysis / Lipoliza) е метод на нехируршка липосукција со кој се отстрануваат локализираните масни наслаги на одредени делови и телото може да се ремоделира до посакуваната форма. Со липолизата се намалува бројот на масните клетки. Активните супстанци од липолитичките коктели вршат деструкција на масните клетки при што се ослободуваат масни киселини во околното ткиво, кои со помош на циркулацијата се носат во црниот дроб каде што се метаболизираат и потоа се исфрлаат од организмот.  За разлика од липолизата, со помош на диетите се намалува обемот на масните клетки, па затоа и по прекинот на диетата масните клетки лесно можат повторно да се наполнат.

Како изгледа третманот?

Липолитичкиот коктел се внесува директно во масното ткиво со помош на тенки иглички и во текот на следниот месец локализирано ги топи масните наслаги. Во текот на првите месец дена од липолизата неопходно е да се придржувате до советите од лекарот, да се внесува голема количина на течности и да се внимава на исхраната.

Дали липолизата е болна процедура?

Процедурата на липолиза не е болна. Можно е чувство на нелагодност при микроинјектирањето на липолитикот, но тоа зависи од индивидуалната осетливост. Неколку минути после апликацијата се јавува чувство на пецкање и чешање поради дејството на липолитикот. После третманот постои локално црвенило и оток кои брзо се повлекуваат, а можна е појава и на модринки кои во текот на следните 1-2 недели комплетно се повлекуваат.

Каков ефект можам да очекувам?

Видливи резултати може да очекуваме после еден месец од апликацијата. Во текот на еден месец обемот може да се намали од 5-10 cm. Липолизата може да се повторува на 3-6 недели зависно од иницијалниот ефект и посакуваниот резултат. Ефектот од третманот е поизразен доколку се комбинира со масажа и лимфна дренажа.

Кога не се препорачува овој третман?

Липолиза (Lipolysis / Lipoliza) не се препорачува при:

• Бременост и доење
• Автоимуни заболувања
• Инфективни состојби
• Онколошки заболувања