ПРП (Platelet Rich Plasma)

PRP (Platelet Rich Plasma) е третман кој ги користи потенцијалите на факторите на раст од сопствената крв за подмладување и регенерација на кожата.

Дали PRP третманот е безбеден?

Третманот е безбеден бидејќи ги користи потенцијалите на сопственото ткиво (крвта), па поради тоа не постои никаков ризик од имунoлошка или алергиска реакција.

За што најчесто се користи овој третман?

ПРП (PLATELET RICH PLASMA) третманот се користи за:

• Регенерација на кожата и подобрување на нејзиниот квалитет
• Подобрување на тонусот и текстурата на кожата
• Освежување на уморниот изглед
• Намалување на подочници и освежување на околуочната регија
• Подмладување на кожата и ублажување на брчките
• После ласерски третмани, хемиски пилизни или други агресивни третмани
• Третман на акни и лузни од акни
• Лекување на лузни од друга природа
• Третман на стрии
• Против опаѓање на косата и стимулирање на нејзин раст
• Третман на хиперпигментации итн.

Дали овој третман е прав избор за мене и зошто е добро да го направам порано?

Со текот на годините кожата го губи својот сјај, се намалува нејзината цврстина и еластичност поради намалување на синтезата на колаген и хијалуронска киселина. Овој третман користејќи ги потенцијалите на сопствените фактори за раст е најприродно решение за обнова на сите структури на кожата бидејќи ја стимулира синтезата на колаген и го подобрува протокот на крв во третираните подрачја што резултира со поздрава регенерирана и подмладена кожа.

Како изгледа ПРП (PLATELET RICH PLASMA) третманот?

Најпрво се вади крв од вена, која потоа лабораториски се обработува и преку процес на центрифугирање се одвојува плазмата богата со тромбоцити од останатите крвни елементи. Вака обработената плазма богата со тромбоцити и фактори на раст со помош на мали и тенки игли се аплицира на соодветните места на кожата во одредена регија со што започнува процесот на биостимулација и регенерација на кожата. Апликацијата на PRP трае од 15-30 минути зависно од регијата, а целиот третман вклучувајќи го и процесот на обработка на плазмата трае околу 45 минути.