УЛТРАЗВУЧНА ШПАТУЛА

Прв и основен чекор во негата на лицето е чистење на кожата. Ултразвучното чистење на лицето е современа метода за атрауматско чистење на лицето со помош на ултразвучна шпатула која има за цел да ги отстрани изумрените клетки на површината на кожата и другата нечистотија од лицето и да ги отвори порите на лицето, со што овозможува подобра апсорпција на активните состојки кои се користат при третманот. Третманот се одвива во две фази: чистење на кожата и нејзино исхранување и хидратација.

КАКО СЕ ИЗВЕДУВА ТРЕТМАНОТ СО УЛТРАЗВУЧНА ШПАТУЛА?

Ултразвучното чистење на лицето е нежна процедура, со моментално видливи резултати. Најпрво, кожата се чисти и тонира и се подготвува за третманот со ултразвучна шпатула. Потоа следи нежен пилинг и масажа на лицето. Со ултразвучната шпатула се отстранува површинскиот епидермален слој од мртви клетки и насобрани нечистотии на површината на кожата, се отвораат порите и се извлекува нивната содржина, себум и останати нечистотии. За време на третманот под дејство на ултразвучните бранови се врши микромасажа на лицето со што се активира клеточниот метаболизам и регенеративните процеси, се подобрува циркулацијата и лимфната дренажа во кожата. Ова овозможува многу добра апсорпција на активните состојки кои се користат во текот на самиот третман, интензивна хидратација и исхранување на кожата. По завршување на третманот се нанесува соодветна маска со што кожата сосема се смирува, исхранува, а проширените пори се затвараат. На крајот на третманот кожата изгледа подмладено, одморено и поздраво.

ЗА ШТО СЕ КОРИСТИ УЛТРАЗВУЧНА ШПАТУЛА?

Третманот е соодветен за секој тип на кожа и се користи за:

• oтстранување на површинскиот епидермален слој на мртви клетки и забрзување на клеточниот “turnover”
• длабинско чистење на порите на лицето, вратот и деколтето
• превенција и третман на акни
• подмладување на кожата и измазнување на брчките на лицето
• намалување на отоци на лицето (лимфна дренажа)
• намалување на хиперпигментации и изедначување на тенот
• ублажување на лузни
• превенција на одредени дерматолошки состојби
• стимулирање на клеточната регенерација после одредени хируршки интервенции или хемиска ексфолијација

КОИ СЕ ПРЕДНОСТИТЕ НА УЛТРАЗВУЧНОТО ЧИСТЕЊЕ НА ЛИЦЕТО?

Предности на ултразвучното чистење на лицето:

• атрауматско чистење на лицето, кожата не се иритира и не се повредува за време на третманот
• потребно е пократко време за процедурата, а значајно подобри резултати
• безболен третман, идеален за оние со низок праг на болка
• соодветен за нормална, сензитивна и проблематична кожа
• освен чистење, се врши и микромасажа на лицето
• позитивен ефект на циркулацијата и имуните процеси во кожата
• подобра апсорпција на активните состојки од серумите и кремите кои се користат при третманот
• зголемување на еластичноста на кожата поради зголемено создавање на колаген и еластин во кожата

После третманот кожата е чиста, нежна, мазна, сјајна и затегната, полна со енергија.

ШТО ДА ОЧЕКУВАМ ПОСЛЕ ТРЕТМАНОТ СО УЛТРАЗВУЧНА ШПАТУЛА?

По завршување на третманот со ултразвучна шпатула нормално е да се очекува благо црвенило на лицето кое се повлекува во текот на 1-2 часа по процедурата. После третманот, во текот на следните 24 часа, да се избегнува изложување на директна сончева светлина, солариуми и сауни. Се препорачува користење на крема со заштитен фактор.