корекција на подбрадок (chin lipolysis)

Прекумерните масни наслаги под брадата можат да бидат предизвикани од број фактори како што се генетските фактори, варијациите во телесната тежина, возраста и други фактори од околината.

Што е липолиза на подбрадок?

Липолизата на подбрадок (chin lipolysis) е метод со кој се отстрануваат локализираните масни наслаги во оваа регија. Активните супстанци од липолитичките коктели вршат деструкција на масните клетки, стимулираат детоксикација, како и затегнување на кожата под брадата.

Како изгледа третманот?

Липолитичкиот коктел се внесува директно во масното ткиво со помош на тенки иглички и локализирано ги топи масните наслаги.

Дали липолизата е болна процедура?

Липолизата на подбрадок (chin lipolysis) не е болна. Можно е чувство на нелагодност при микроинјектирањето на липолитикот, но тоа зависи од индивидуалната осетливост. Неколку минути после апликацијата се јавува чувство на пецкање и чешање поради дејството на липолитикот. После третманот можна е појава на локално црвенило, оток и модринки кои брзо се повлекуваат.

Каков ефект можам да очекувам?

Видливи резултати може да очекуваме во текот на првиот месец од апликацијата. Процедурата може да се повторува на 3-5 недели зависно од иницијалниот ефект и најчесто е потребна серија од 2-4 третмани за постигнување на посакуваниот резултат.

Кога не се препорачува овој третман?

Липолизата на подбрадок (chin lipolysis)  не се препорачува при:

• Бременост и доење
• Автоимуни заболувања
• Инфективни состојби
• Онколошки заболувања