Ботокс (Botox) третманот е еден од најпопуларните третмани во естетската медицина. Се користи за подмладување на лицето и вратот, преку релаксирање на мускулите и измазнувањето на брчките, со што лицето го задржува свежиот и младешки изглед. Ботоксот се користи и за решавање на проблемот со прекумерно потење, наречен хиперхидроза.

Што е ботоксот и дали е безбеден?

Ботоксот (Botulinum toxin) е супстанца која што се добива од бактеријата Clostridium botulinum. Во естетските третмани се користи пречистена, слабо концентрирана форма на токсинот. Таа се аплицира во многу мали дози и прави инхибиција на невромускулната трансмисија, со што се прекинува сигналот помеѓу нервите и мимичните мускули и се спречува нивната контракција. На овој начин мускулите се релаксираат, брчките на кожата се измазнуваат и се спречува појавата на нови брчки.

Ботокс (Botox) е безбеден. Ова е кратка и ефикасна инјектибилна медицинска процедура која бара многу знаење, вештина и искуство. Во нашата поликлиника ботоксот го аплицираат  сертифицирани доктори, едуцирани и специјализирани во областа на естетска медицина. При работата користиме исклучиво најквалитетни препарати од реномирани светски брендови.

За што најчесто се користи Ботокс (Botox)?

Овој третман е идеален за измазнувањето на брчките во горната третина на лицето, како што се брчките на челото, околу очите, вертикалните брчки меѓу очите и на коренот на носот. Исто така се користи и за измазнување на брчките околу усните, како и брчките на вратот.