Ботокс третманот е еден од најпопуларните третмани во естетската медицина и се користи за подмладување на лицето и вратот, преку релаксирање на мускулите и измазнувањето на брчките, со што лицето го задржува свежиот и младешки изглед. Ботоксот се користи и за решавање на проблемот со прекумерно потење, наречен хиперхидроза.
Ботоксот (Botulinum toxin) е супстанца која што се добива од бактеријата Clostridium botulinum. Во естетските третмани се користи пречистена, слабо концентрирана форма на токсинот, која се аплицира во многу мали дози и прави инхибиција на невромускулната трансмисија, со што се прекинува сигналот помеѓу нервите и мимичните мускули и се спречува нивната контракција. На овој начин мускулите се релаксираат, брчките на кожата се измазнуваат и се спречува појавата на нови брчки. Третманот е безбеден. Ова е кратка и ефикасна инјектибилна медицинска процедура која бара многу знаење, вештина и искуство. Во нашата поликлиника ботоксот го аплицираат сертифицирани доктори, едуцирани и специјализирани во областа на естетска медицина, а при работата користиме исклучиво најквалитетни препарати од реномирани светски брендови.
Овој третман е идеален за измазнувањето на брчките во горната третина на лицето, како што се брчките на челото, околу очите, вертикалните брчки меѓу очите и на коренот на носот, но се користи и за измазнување на брчките околу усните, како и брчките на вратот.
Ботоксот е најдобро решение за оние кои имаат изразена фацијална гестикулација во текот на денот поради што мимичните брчките на лицето се многу изразени и со текот на времето постојано се продлабочуваат. Со ботоксот длабоките брчки значајно се измазнуваат и се превенира појавата на нови брчки на лицето, а со тоа ликот добива поведар, освежен и младешки изглед. Раниот почеток на примена на ботоксот значително влијае на превенцијата на појавата на брчки. Со текот на годините доколку не се користи овој третман, брчките се продлабочуваат и не можат да се излечат или значајно и трајно да се ублажат со козметички средства.