SkinPen Precision e современ microneedling третман кој ја поттикнува природната моќ за регенерација на кожата преку зголемено создавање на колаген и еластин, со што кожата добива поздрав и младешки изглед.

Третманот е соодветен за секој тип кожа и за секоја возраст. Може да се прави во текот на целата година.

За што најчесто се користи овој третман?

Овој третман може да се аплицира на лицето, вратот, деколтето и различни делови од телото со цел:

• освежување и подмладување на кожата
• измазнување на фините линии
• третман на акни и последици од акни
• третман на лузни (од акни, повреди, изгореници, оперативни зафати…)
• изедначување на тенот и третман на хиперпигментации
• третман на стрии
• третман против опаѓање на косата итн.

Како изгледа третманот со SkinPen Precision?

SkinPen Precision e современ третман при кој микроиглички продираат во кожата и ја поттикнуваат природната моќ за регенeрација преку стимулирање на фибробластите да создаваат нов колаген и еластин, со што се подобруваат и функциите на самата кожа.

Постои можност SkinPen процедурата да се комбинира и со други дерматолошко-естетски процедури како ПРП третман и мезотерапија. Комбинацијата на овие третмани овозможува подобра апсорпција на активните состојки во кожата, помоќен резултат и побрз период на опоравување.

Со комбинацијата на третмани ефектите се постигнуваат на два начини:

• Преку механичка симулација на кожата со микроиглички со цел поттикнување на клеточната регенерација на кожата и стимулирање на синтезата на колаген и еластин
• Преку активно дејство на состојките од мезококтелите или ПРП третманот на одредени состојби.

Дали третманот е болен?

Со цел да обезбедиме максимална удобност при третманот пред самата процедура аплицираме крем анестетик. Постои можност за минимална неудобност, зависно од осетливоста на индивидуата.

Зошто SkinPen Precision е подобар од другите microneedling процедури?

• Максимална безбедност! – При процедурата се користи стерилен кертриџ за еднократна употреба, како и био-обвивка за апаратот за еднократна употреба.
• Побрзи резултати за пократко време! – Подлабока и попрецизна пенетрација на микроигличките во кожата до 2,5 мм
• Соодветен за секој тип на кожа и за секоја возраст
• Може да се прави во текот на целата година, соодветен е за секој тен на кожата (Fitzpatrick I-VI)
• Минимален период на опоравување
• SkinPen Precision е докажано безбеден и ефикасен со преку 90 независни валидациски клинички студии. Тој е првиот FDA-одобрен уред, microneedling процедура со CE сертификат.

Што да очекувам после третманот?

После третманот очекувано е поизразено црвенило на лицето кое се повлекува многу брзо, најчeсто во период до 24 часа. Исклучително е важно да се придржувате до советите од докторите после овој третман.

Кога можам да се вратам на работа?

На работа можете да се вратите веќе следниот ден со можни минимално видливи траги од интервенцијата.

Колку долго ќе траат ефектите?

Видливи резултати се забележуваат  веднаш после првиот третман. Со цел постигнување на посакуваниот ефект и долготрајни резултати, потребно е овој третман да се повторува во одредени интервали во зависност од индивидуалниот проблем, почетната состојбата на кожата и возраста на индивидуата.

Кога не се препорачува SkinPen?

Овој третман не се препорачува при:

• Кожни инфекции
• Инфективни заболувања