Skinboosters / Биоревитализација

Инјектибилна процедура

Времетраење – околу 20 минути

Регија на апликација – лице, врат, деколте, раце, тело, скалп

Биоревитализација (Skinboosters) е една од најбараните естетски процедури за ревитализација и подмладување на кожата. Активните состојки хијалуронска киселина, аминокиселини и витамини се внесуваат дирекно во кожата. На овој начин кожата длабински се хидрира, се исхранува и се стимулира синтезата на колаген и еластин, со цел да се зачува нејзината цврстина, еластичност и здравиот сјај на кожата.

Која е улогата на хијалуронската киселина, аминокиселините и антиоксидансите во биоревитализација на кожата?

Со текот на годините низ процесот на стареење на кожата доаѓа до забавување на создавањето на хијалуронска киселина и колаген, со што кожата станува потенка, се губи еластичноста и на неа се појавуваат првите фини линии, а понатаму и подлабоки брчки.

Со инјектирање на хијалуронска киселина и ја враќаме хидрираноста на кожата, ги острануваме неправилностите на нејзината површина, а долгорочно се поттикнува процесот на обновување на клетките на кожата. Со внесување на аминокиселини од кои е изграден молекулот на колаген, доаѓа до стимулација на фибробластите и забрзување на синтезата на колаген. Антиоксидансите обезбедуваат одлична заштита на кожата од надворешните атмосферски влијанија, борејќи се со слободните радикали кои се ослободуваат како последица на штетното дејство на аерозагадувањето и сонцето на кожата.

Крајниот резултат е здрава сјајна кожа со подобар тонус и мазна текстура.

За кого се препорачува биоревитализација?

Биоревитализација е еден од основните третмани за сочувување на убавината на кожата и забавување на процесот на стареење на лицето, вратот, деколтето, рацете и други делови од телото каде што се забележува опуштеност на кожата. Се препорачува при:

Сува и тенка кожа
Дехидрирана кожа
Фотооштетена кожа
Неизедначен тен и хиперпигментации
Нерамна текстура на кожата
Појава на првите знаци на стареење и првите брчки на лицето
Заштита од надворешните влијанија на аерозагадувањето и сонцето
Освежување на очната регија
Опаѓање на косата
Стрии…

Кои се ефектите од биоревитализација?

Со биоревитализација се подобрува квалитетот, текстурата и хидрираноста на кожата и се добива здрав сјаен тен. Исто така се ублажуваат фините линии и брчките, се намалуваат последиците од фотоштетување на кожата и се поттикнуваат регенеративни процеси со кои се забавува процесот на стареење.

Кожата станува забележливо:

Хидрирана и мазна
Сјајна, затегната и освежена
Со подобра текстура
Со подобар тонус и еластичност
Со ублажени пеги, флеки и лузни
Здрава и ревитализирана на подолг временски период

Како изгледа третманот на биоревитализација?

На регијата која што се третира се нанесува анестетик во вид на крем со цел да ја минимизираме непријатноста и да го направиме третманот попријатен за клиентот. Потоа со тенки микроиглички во кожата се внесува биоревитализаторот. После третманот се аплицира смирувачка крема.

Веднаш после третманот се забележува лесно црвенило и ситни испакнувања на кожата на местото каде што е аплициран биоревитализаторот кои се повлекуваат за неколку часа после третманот. Во текот на првиот ден од третманот не е дозволено шминкање, сончање и интензивна физичка активност. По завршување на овој краток период на опоравување може да продолжите со вообичаените дневни активности.

Колку третмани се потребни за да се постигнат забележителни резултати?

За постигнување на оптимални резултати препорачуваме серија од три третмани на растојание од две недели. Овој циклус може да се повторува два до три пати годишно.

Која е разликата меѓу биоревитализација и мезотерапија?

Биоревитализаторите содржат концентрирана хијалуронска киселина со голема молекулска маса која останува во кожата значајно подолго во однос на хијалуронската киселина која се содржи во препаратите за мезотерапија, која има помала молекулска маса. Дополнително во препаратите за биоревитализација се соджат и аминокиселини кои се градивни компоненти на колагенот и со нивното внесување во кожата се стимулираат фибробластите за синтеза на нови колагенски влакна. Антиоксидансите кои се присутни во биоревитализаторите обезбедуваат одлична заштита на кожата од надворешните атмосферски влијанија.

Затоа и ефектот од биоревитализацијата е значајно подобар, а потребниот број на третмани за постигнување на оптимални резултати е помал.

Закажете консултација

Закажете консултација каде што ќе добиете одговор на сите ваши прашања поврзани со нашите третмани од естетската медицина и козметологија.

077 41 11 40

консулTација

Нови промоции секоја недела

Секоја недела ви нудиме нови промотивни пакети кои ги објавуваме на нашата веб страна како и на нашите профили на Фејсбук и Инстаграм

Премиум брендови

Достапна е широка палета на брендови со кои можеме да ја задоволиме секоја преференца на нашите клиенти