Morpheus 8 претставува иновативен третман со фракционална радиофреквенција во комбинација со microneedling. Овој минимално инвазивен третман користи златни микроиглички кои продираат во кожата на длабочина од 1-2 мм за очната регија, низ кои се пренесува радиофреквентна енергија во длабоките слоеви на кожата. На овој начин многу интензивно се стимулира производството на колаген и еластин со што кожата значајно се подмладува, се измазнуваат фините линии и брчките и се постигнува комплетно природен изглед на ликот.

Morpheus 8 е идеален третман за:

• Подобрување на изгледот на подочниците
• Измазнување на брчките околу очите
• Нехируршка блефаропластика за третман на спуштени очни капаци
• Третман на маларни едеми (оток под очите)
• Подмладување на очната регија и губење на уморниот изглед 

Ботокс користиме за третман на брчките околу очите кои се најизразени кога се смееме. Ова е идеален третман со кој ги релаксираме мимичните мускули во оваа регија со што се измазнуваат брчките на кожата. Третманот е безболен и трае околу 15 минути. Резултатите се видливи во следните 4-6 месеци. 

Хијалуронските филери се идеален третман за отстранување на темните и вдлабнати подочници кои се јавуваат како последица на губење на волуменот во пределот на солзната бразда и јаболчниците непосредно под неа. Со надополнување на волуменот со хијалуронски филер се отстрануваат вдлабнатите подочници. Аплицираниот слој филер ја намалува видливоста на крвните садови со што значајно се намалува и темната пребоеност. Третманот трае 30 минути, безболен е, пред процедурата се аплицира локален анестетик во вид на крем. Трајноста на ефектите од третманот е 9-12 месеци

PRP (Platelet Rich Plasma) е третман кој ги користи потенцијалите на факторите на раст од сопствената крв за подмладување и регенерација на кожата. Ова е одличен третман за подобруање на квалитетот на кожата во оваа регија, за третман на темни подочници и брчки околу очите. Третманот трае 30 минути, а пред процедурата се аплицира локален анестетик во вид на крем. Бројот на потребни третмани и динамиката ја утврдуваме при првичниот преглед според моменталната состојба и очекуваните резултати.

Биоревитализација е процедура со која се аплицира соодветен коктел во одредени делови од оваа регија со што се надокнадува хијалуронската киселина и се стимулира колаген продукцијата во кожата. Ова е една од најбараните естетски процедури со која се третираат брчките околу очите, отоците и “ќесите” под очите, темната пребоеност и се подобрува квалитетот на кожата. Третманот трае 20-30 минути, а пред процедурата се аплицира локален анестетик во вид на крем. За постигнување на оптимални резултати се препорачува серија од 4-5 третмани на 2 недели зависно од состојбата на кожата.